ကိုယ့်မှာ သူငယ်ချင်းတွေဘာကြောင့် နည်းရသလဲ

အရွယ်ရောက်လာသူ တစ်ယောက်အနေနဲ့ သူငယ်ချင်းကောင်းရှာဖွေတယ်၊ သူငယ်ချင်းကောင်းတွေ ပိုင်ဆိုင်ထားတယ်ဆိုတာ ငယ်ရွယ်စဉ်အချိန်ကနဲ့တော့ ကွာခြားပါတယ်။ ငယ်စဉ်အရွယ်တုန်းကတော့ မုန့်ခွဲဝေကျွေးရင်၊ အတူကစားဖော်ရရင်ကိုပဲ သူငယ်ချင်းကောင်းလို့သတ်မှတ်ကြတာပေါ့။ အရွယ်ရောက်လာသူတစ်ယောက် ဖြစ်လာရင်တော့ သူငယ်ချင်းကောင်းဆိုတဲ့ သတ်မှတ်ချက်ဟာ အများကြီးကျယ်ပြန့်လာပါတယ်။ ဒါကိုမသိဘဲ သူငယ်ချင်းတွေကို ပေါ့ပျက်ပျက်ဆက်ဆံရင်တော့ သင့်ဆီမှာ သူငယ်ချင်းတွေနည်းလာပါလိမ့်မယ်။ ဒါကြောင့် သင့်ဆီမှာ သူငယ်ချင်းတွေနည်းနေတယ်ဆိုရင် ကိုယ့်ကိုယ်ကိုပြန်ဆန်းစစ်ကြည့်ဖို့ ဖော်ပြလိုက်ရပါတယ်။

(၁)မကြာခဏညည်းညူတတ်သလား …
သင့်ရဲ့အလုပ်က အဆင်မပြေတဲ့အကြောင်းတွေ၊ ငွေရေးကြေးရေးပြသနာတွေ၊ ဘဝအခက်အခဲတွေ စတာတွေကို မကြာခဏညည်းတွားနေရင် သင့်ကိုလူတွေရှောင်လာပါလိမ့်မယ်။ လူတွေအားလုံးက အပူကိုယ်စီရှိနေကြတာပါ။ သင့်အပူတွေပါ ထပ်မပေးမိဖို့ ဆင်ခြင်ပါ။ တစ်ခါတစ်ရံဆို လက်ခံနိုင်ပေမဲ့ သူငယ်ချင်းနဲ့တွေ့ဆုံတိုင်း သင်အဆင်မပြေတာတွေချည်း ပြောပြနေရင်တော့ အဆင်မပြေနိုင်ပါဘူး။ အကောင်းမြင်တတ်အောင် လေ့ကျင့်ပြီး အခြားသော စိတ်ဝင်စားစရာကောင်းတဲ့ အကြောင်းအရာတွေ၊ ဆွေးနွေးလို့ကောင်းမဲ့ခေါင်းစဉ်တွေ ပြောတတ်အောင် လေ့လာထားဖို့ လိုအပ်ပါလိမ့်မယ်။

(၂)ချစ်သူရသွားလို့ သူငယ်ချင်းတွေကို ပစ်ပယ်ထားမိသလား …
ချစ်သူနဲ့ချိန်းဆိုမှုတွေကြောင့် မကြာခဏပဲ သူငယ်ချင်းတွေနဲ့တွေ့ဆုံဖို့ ပျက်ကွက်ခဲ့ပြီဆိုရင် သေချာပါပြီ… သင့်သူငယ်ချင်းတွေဟာ သင့်ရည်းစားနဲ့သင် ပြတ်စဲဖို့ဆုတောင်းနေပါလိမ့်မယ်။ ဒါမှမဟုတ် သင့်ကို သူငယ်ချင်းစာရင်းထဲကထုတ်ပယ်ပြီး အရေးလုပ်တော့မှာမဟုတ်ပါဘူး။ ချစ်သူနဲ့သူငယ်ချင်းတွေကြား အချိန်မျှတစွာချိန်ညှိတတ်ပါစေ။

(၃)တစ်ကိုယ်ကောင်းဆန်နေသလား …
သင်သူငယ်ချင်းနည်းရတဲ့ အကြောင်းရင်းဟာ သင့်ရဲ့တစ်ကိုယ်ကောင်းဆန်မှုတွေကြောင့် ဖြစ်နေသလားဆိုတာ စဉ်းစားကြည့်ပါ။ သူငယ်ချင်းဆက်ဆံရေးဟာ တစ်ခါတစ်ရံမှာ သင်ဆန္ဒမရှိတောင် ပေးဆပ်ဖို့လိုအပ်တဲ့အခြေအနေမှာ ရှိနေတတ်ပါတယ်။ အကယ်၍သင်ဟာ သင်ပြုလုပ်ချင်တာတွေကိုသာ ဦးစားပေးတတ်သူဆိုရင် သူငယ်ချင်းတွေက သင့်ကိုတာရှည်သည်းခံလိမ့်မှာ မဟုတ်ပါဘူး။

(၄)သူငယ်ချင်းတွေအကြောင်း ဂရုမစိုက်ပြုခဲ့သလား …
အကယ်၍သင်ဟာ သင့်သူငယ်ချင်းမှာ ဘာကိစ္စဖြစ်နေနေ ဂရုမစိုက်ပြုနေမယ်ဆိုရင် သင့်ကိုသူတို့အနားမှာ ရှိနေစေချင်တော့မှာမဟုတ်ပါဘူး။ သူငယ်ချင်းတွေ ဘာလုပ်နေတယ်ဆိုတာကို စိတ်ဝင်စားပေးပါ။ သူတို့ရဲ့စိတ်ခံစားချက်တွေ၊ သူတို့ပြုလုပ်နေတာတွေကို ဂရုမစိုက်ပြုမူနေရင် သင့်ကိုရှောင်ကြဉ်လာပါလိမ့်မယ်။

(၅)ကွယ်ရာမှာအတင်းတွေပြောတတ်ပါသလား …
မသိနိုင်ပါဘူးလေဆိုပြီး ကွယ်ရာမှာ သူငယ်ချင်းအတင်းတွေ မပြောမိပါစေနဲ့။ ပါးစပ်တစ်ပေါက်ကိုပ်ိတ်ဖို့ဆိုတာ မလွယ်ကူမှန်းသိပါ။ ဒါကြောင့် သူငယ်ချင်းတွေနဲ့အဆင်မပြေတာရှိရင်၊ မကျေနပ်တာရှိနေရင် ခက်ခဲနေလည်း ထိပ်တိုက်ဖြေရှင်းဖို့သာ ကြိုးစားပါ။

(၆)အတွက်အချက်များနေသလား …
သူငယ်ချင်းဆက်ဆံရေးဆိုတာ ဘယ်သူကဖုန်းစခေါ်ရမဲ့အလှည့်၊ ဘယ်သူကငွေရှင်းရမဲ့အလှည့် စတဲ့ တွက်ချက်မှုတွေမများသင့်ပါဘူး။ မျှတတယ်၊ မမျှတတ်ဘူးလို့ အမြဲတွက်ချက်နေရင် သူငယ်ချင်းတွေနဲ့ အဆင်မပြေနိုင်ပါဘူး။

(၇)မနာလိုစိတ်ရှိနေသလား …
သင့်သူငယ်ချင်းက ကားအသစ်ဝယ်လိုက်လို့ဖြစ်စေ၊ အလုပ်မှာရာထူးတိုးလို့ဖြစ်စေ၊ ချစ်သူချောချောရသွားလို့ဖြစ်စေ၊ စတဲ့ သူငယ်ချင်းကောင်းစားလာတာကို မနာလိုစိတ်ဖြစ်မိသလား။ စိတ်မှာဖြစ်ပေါ်နေတဲ့အရာတွေက အပြင်ပန်းရုပ်အသွင်မှာ ပေါ်လွင်နေနိုင်တယ်ဆိုတာကိုရော သတိထားမိရဲ့လား။ သူငယ်ချင်းတွေအောင်မြင်လာတာကို ထပ်တူထပ်မျှဝမ်းသာပြီး ဂုဏ်ပြုတတ်ဖို့ဟာလည်း သူငယ်ချင်းတွေရရှိဖို့ အရေးပါတဲ့အချက်တစ်ချက်မှာ ပါဝင်နေပါတယ်။

ခမ်းမူး (ရွှေအင်းလေး)
www.khunnaytunmedia.com