အောင်မြင်လာချိန်နဲ့ ကျရှုံးသွားချိန် အပြောင်းအလဲ

“ကျွန်မနဲ့အတူ ဇိမ်ခံကားစီးပြီး အပျော်ခရီးထွက်ချင်သူတွေများပေမယ့် လမ်းခုလတ်မှာ အဲ့ဒီဇိမ်ခံကားပျက်သွားတဲ့အခါကျ ဘတ်စ်ကားစီးပြီး အတူလိုက်ခဲ့ကြမယ့်သူတွေတော့ နည်းသွားလိမ့်မယ်”
အော်ပရာဝင်းဖရေး

ကျွန်မတို့ရဲ့ ဘဝတွေမှာအောင်မြင်ကြီးပွားမှုတွေ ရရှိလာခဲ့ကျတဲ့ အချိန်တွေ မှာဆိုရင် ကိုယ်ရဲ့အနားမှာ လက်ခုတ်သြဘာပေးပြီး ချီးကျူးကြမယ့် သူတွေများ ပါတယ်။ အောင်မြင်မှုဆိုတဲ့ စည်းစိမ်ကို အတူခံစားဖို့ ရောက်ရှိလာမယ့် သူတွေကလည်း ပြုံးလို့၊ ပျော်လို့နဲ့ ကိုယ့်ဆီစကားတွေ ဖောင်ဖွဲ့ပြောလာမယ်။ ကိုယ့်ဆီမှာအလိုလိုဝန်း ရံမယ့်သူတွေများလာလိမ့်မယ်။

အကယ်၍များ အဲ့ဒီအောင်မြင်မှု စည်းစိမ်တွေမရှိတော့တဲ့တစ်နေ့၊ ကျရှုံး သွားမယ့် တစ်နေ့ကျ အဲ့ဒီဝန်းရံပေးမယ့်သူတွေ ရှိနေလိမ့်မယ် ထင်နေလား။ ကိုယ့်အနားမှာ ကိုယ်ကလွဲပြီး ဘယ်သူမှမရှိတော့တာကို တွေ့လိမ့်မယ်။ ကိုယ့်အခက်အခဲတွေ ကူညီပြီး အတူရင်ဆိုင် ဖြေရှင်းပေးမယ့်သူမျိုးမပြောပါနဲ့။

ကိုယ့်အနားစိတ်အားငယ်နေတာကို အားပေးမယ့် သူတောင်မရှိတော့ပါဘူး။ ကိုယ်လဲကျနေတာကို မြင်နေရက် ရှောင်ဖယ်သွားတဲ့သူတွေ ရှိသလို၊ မသိသလိုကျော် သွားကြတဲ့သူတွေလည်း များပါတယ်။ ကိုယ့်ကိုလက်ကမ်း တွဲက ပေးမယ့်သူကတော့ လုံးဝမရှိသလောက်ဖြစ်သွားပါလိမ့်မယ်။ အဲ့ဒီအချိန် ကျ ကိုယ့်အပေါ် တကယ်ကောင်းတဲ့ မိတ်ဆွေအစစ်တွေနဲ့ ဟန်ဆောင် မိတ်ဆွေအတုတွေက ဘယ်သူတွေဖြစ်မလဲဆိုတာ မြင်တွေ့ရပါလိမ့်မယ်။

ရွှေဝတ်မှုန်(ရွှေအင်းလေး)
www.khunnaymedia.com

Read More

ပြင်ဆင်ခွင့်ရခဲ့မယ်ဆိုရင်ပေါ့

ငယ်ငယ်က စာအုပ်ဆိုင်မှာ ဝတ္ထုငှားရင်
နောက်ဆုံးစာမျက်နှာကို အရင်လှန်ကြည့်
မင်းသားနဲ့မင်းသမီး ညားမှစာအုပ်ကိုငှားဖတ်ခဲ့ကြတဲ့
အခိုက်အတန့် အချစ်ဝတ္ထုနှစ်သက်သူတိုင်းမှာ ရှိခဲ့ကြဖူးတယ် ။
အဲ့လိုပဲ ကျွန်တော်တို့ရဲ့ နောက်ဆုံးစာမျက်နှာကိုလည်း
ကိုယ်ချစ်တဲ့သူနဲ့ အတူဇာတ်သိမ်းမသိမ်း
ကြိုသိခွင့်ရရင်ကောင်းမယ် ။
ဇာတ်သိမ်းခန်းမလှရင်
ကိုယ်ကိုတိုင် လှအောင်ပြန်ပြင်ရေးချင်လို့ ။

#KN
www.khunnaymedia.com

Read More

နှစ်ဦးကြားကဆက်ဆံရေးကို ပိုတန်ဖိုးထားလို့ပါ.....

တစ်ခါတစ်လေမှာအလျှော့ပေးညှိနှိုင်းပေးလိုက်တာ၊ ခေါင်းငုံ့ခံ အောက်ကျို့တောင်းပန်လိုက်တာက တစ်ဖက်လူကမှန်ပြီး သင့်ဘက်ကမှားနေလို့ ဆိုလိုတာမဟုတ်ပါဘူး။ သင့်ရဲ့အတ္တတွေထက် သင်တို့နှစ်ယောက်ကြား က ပြေလည်တဲ့ဆက်ဆံရေးကို ပိုပြီးတန်ဖိုးထားလိုက်လို့ပဲ ဖြစ်ပါလိမ့်မယ်။

ဘာမှမဟုတ်တဲ့ အငြင်းအခုံကိစ္စလေးတစ်ခုအတွက်နဲ့ တန်ဖိုးရှိလှ တဲ့ ကြာရှည်ပေါင်းသင်းခင်မင်လာတဲ့ ဆက်ဆံရေးတွေကို မဖျက်ဆီး ချင်ဘူးလေ။ ဒီအမှားအမှန်အတွက် ကိုယ်ဘက်ကအသာစီးရသွား ချင်လို့၊ သူ့ဘက်က ရှုံးနိမ့်သွားစေချင်လို့ ထိတိုက်တွေ့ပြီး ပျက်စီးစေမယ့်အစား ကိုယ်မှန်သည့် တိုင်အောင် သူ့ဘက်ကိုအမှန်ပေးပြီး အ လျှော့ပေးလိုက်တာ စိတ်ငြိမ်းချမ်း ပါတယ်။ သူလည်းစိတ်လျှော့သွားပါလိမ့်မယ်။

နောက်အေးဆေးဖြစ်တဲ့ အချိန်၊ အခွင့်အရေးရတဲ့အချိန်ကျမှ ဘယ်ဟာအမှား အမှန်ဆိုတာ ပြန်လည်ဖြေရှင်းလို့ရပါတယ်။သူလည်း လက်တွေ့သိသွား တဲ့အခါကျမှ သူမှားမှန်းဆိုတာလည်း နားလည် သွားပါလိမ့်မယ်။ ဒီလိုဆိုရင် သင်တို့နှစ်ယောက်ရဲ့ ဆက်ဆံရေးကို အချိန်တွေကြာသည့်တိုင်အောင်ဆက် လက်ပေါင်းသင်းဆက်ဆံသွားလို့ အဆင်ပြေသွားနိုင်ပါလိမ့်မယ်။

ရွှေဝတ်မှုန်(ရွှေအင်းလေး)
www.khunnaymedia.com

Read More

မကောင်းတဲ့စိတ်ဓာတ်ကို ကိုယ်ကို်တိုင်ပြင်မှရမယ်

#KN

www.khunnaymedia.com

Read More

အမျိုးသမီးတွေဆိုတာ

ကျွန်တော်တို့ ဘဝတွေရှင်သန်ဖို့ အမေဆိုတဲ့
အမျိုးသမီးက မွေးဖွားပေးတယ် ။ ကျောင်းတက်ချိန်ရောက်တော့ 

အသိပညာတွေ တိုးပွားလာအောင် ဆရာမဆိုတဲ့ အမျိုးသမီးကပဲ စာသင်ပေးပြန်တယ် ။
အရွယ်ရောက်လာတော့လည်း အမျိုးသမီးတွေအပေါ် ချစ်စိတ်ဝင်တယ် ။
ပြီးတော့ ပါရမီဖြည့်ဖက်ဖြစ်တဲ့ အမျိုးသမီးနဲ့ပဲ အိမ်ထောင်ကျရပြန်တယ် ။
တကယ်တော့ကျွန်တော်တို့ အမျိုးသားတွေဟာ အမျိုးသမီးတွေကြောင့်သာ
အဓိပ္ပာယ်ရှိရှိ ရှင်သန်နေထိုင်ရတာပါ ။ အမျိုးသမီးတွေဟာလည်း 

လောကကြီးကို ပြည့်စုံလှပအောင် ဖန်တီးပေးတဲ့ ပါရမီရှင်ကောင်းတွေပါ ။
ဒါကြောင့် သင့်ပတ်ဝန်းကျင်မှာရှိတဲ့ အမျိုးသမီးကို တန်ဖိုးထားချစ်မြတ်နိုးပါ ။
အမျိုးသမီးတွေကလည်း ကိုယ့်ကို တန်ဖိုးထားမြတ်နိုးရတဲ့ သူတွေရဲ့လက်ထဲမှာပဲ ပျော်ရွှင်စွာရှင်သန်နေထိုင်ပါ ။

ခွန်နေ(ရွှေအင်းလေး)
#KN
www.khunnaymedia.com

Read More

သင်မလုပ်နိုင်တဲ့အချက် ဘယ်နှချက်ပါသလဲ ?

၁ ။ နေမထွက်ခင်အိပ်ယာထပါ
၂ ။ လေ့ကျင့်ခန်းလုပ်ပါ
၃ ။ သစ်သီးတွေကို များများစားသုံးပေးပါ
၎ ။ စာများများဖတ်
၅ ။ အဖိုးအဖွား ၊ မိဘ တွေကိုအချိန်ပေးပါ
၆ ။ ခေတ်ပေါ်နည်းပညာတွေနဲ့ ၁ နာရီလောက်ကင်းအောင်နေကြည့်ပါ
(ဖုန်း ၊ တက်ဘလက် ၊ကွန်ပျူတာ etc ..)
၇ ။ အပြုံးပန်းဆောင်ပါ
၈ ။ တစ်ရက်ကိုတစ်ခါလောက်အနည်းဆုံး အကူအညီပေးပါ
၉ ။ ငွေတွေကိုမသုံးခင် လိုအပ်မလိုအပ် ချင့်ချိန်စဉ်းစားပါ
၁၀ ။ အိပ်ရေးဝဝအိပ်ပါ
၁၁ ။ လူတွေကိုအကောင်းမြင်စိတ်မွေးပါ
(သင်စွမ်းအားကြီးလာတယ်လုိ့ခံစားရလိမ့်မယ်)
၁၂ ။ ပျော်ပျော်နေပါ

ကျွန်တော်ကတော့ ပွင့်ပွင့်လင်းလင်းပဲ ၁ ၊ ၂ ၊ ၆ ၊ ၈ ၊ ၉ တွေကို

မလုပ်နိုင်သေးဘူး ။ စာဖတ်သူတွေကော် အားလုံးလုပ်နိုင်ပြီလား ။
လုပ်နိုင်တယ်ဆိုရင်တော့ congrats ပါဗျာ ။

ခွန်နေ(ရွှေအင်းလေး)
#KN
www.khunnaymedia.com

Read More

မိတ်ဆွေတု...မိတ်ဆွေစစ်

သူငယ်ချင်း နှစ်ယောက် ရှေ့တန်းထွက်တဲ့ စစ်မျက်နှာပြင်မှာ
တိုက်ပွဲအပြင်းအထန်ဖြစ်လို့ သူငယ်ချင်းတစ်ယောက် ထိမှန်သွားတယ် ။
တိုက်ပွဲအခြေအနေမကောင်းတာကြောင့် အရာရှိဖြစ်သူက
စစ်မြေပြင်က စွန့်ခွာဖို့ အမိန့်ပေးတယ် ။ ကျည်ဆန်ထိမှန်လို့
လှုပ်ရှားမှုမရှိတော့တဲ့ သူငယ်ချင်းကို ကျန်ရစ်တဲ့သူငယ်ချင်းက
အတူတွဲခေါ်လာတယ် ။ ခေါင်းဆောင်ဖြစ်သူက ဒါကိုမြင်ပြီး
" မင်းသူငယ်ချင်းကို ထားခဲ့လိုက်တော့ သုံးလို့မရတော့ဘူး "
ဒါပေမယ့် သူငယ်ချင်းဖြစ်သူက ဇွဲမလျော့ပဲ သူနဲ့အတူ
တွဲခေါ်လာခဲ့တယ် ။ သေနေတဲ့အလောင်းကို တွဲခေါ်လာတဲ့
လက်အောက်ငယ်သားကိုကြည့်ပြီး အရာရှိဖြစ်သူက ထပ်ဆိုပြန်တယ်
" ငါမင်းကိုပြောမယ် ၊ မင်းသူငယ်ချင်းသေပြီ ၊ တန်ဖိုးမရှိတဲ့ အရာတွေမလုပ်နဲ့ ၊ ထားခဲ့လိုက်တော့ "
" ဆရာ ကျွန်တော်သယ်လာပါရစေ ၊ ကျွန်တော်တို့လည်း တစ်နေ့သူ့လိုဖြစ်လာမှာပဲ "

သင်ခန်းစာ -
သင် အသက်ရှင် အောင်မြင်နေစဉ်အချိန်မှာ
သင့်ဘေးမှာ အပေါင်းအသင်းမိတ်ဆွေတွေ များနေလိမ့်မယ် ။
အကယ်လို့ သင်ကျရှုံးတဲ့ တစ်နေ့ရောက်ရင်တော့
သင့် မိတ်ဆွေအစစ်က ဘယ်သူဆိုတာ သဲသဲကွဲကွဲသိခွင့်ရလိမ့်မယ် ။

ခွန်နေ(ရွှေအင်းလေး)
#KN

Read More

ကိုယ်သာလျှင် ကောင်းနေဖို့.....

ဘယ်သူကောင်းကောင်း မကောင်းကောင်း ကိုယ်ကကောင်းနေဖို့ပဲလို ပါတယ်။

ဘယ်သူတရားပျက်ပျက် မပျက်ပျက် ကိုယ်တရားမပျက်ဖို့ပဲ လိုပါတယ်။
သူမကောင်းနိုင်တာ သူ့အကြောင်း၊ ကိုယ်ကောင်းနိုင်တာ ကိုယ့်အ ကြောင်း။
သူမကောင်းလို့ ကိုယ်ပါလိုက် မကောင်းစရာမလိုဘူး။ သူကောင်းပေးလို့ ကိုယ်ပြန်ကောင်းနိုင်ဖို့ပဲ လိုပါတယ်။

မကောင်းတဲ့သူက သူ မကောင်းတဲ့အတိုင်း သွားပါလိမ့်မယ်။
ကောင်းတဲ့သူက သူကောင်းတဲ့အတိုင်းပဲ သွားပါလိမ့်မယ်။

မကောင်းတာတွေလုပ်ရင် မကောင်းတာတွေဖြစ်လာမယ်။ 

ကောင်းနေတဲ့ ကံအခံလေး ရှိနေသေးလို့ ဟန်ကျကျနေနိုင်သေးပေမယ့် ကိုယ့်ကောင်းတဲ့ ကံ တွေကုန်ဆုံးသွားခဲ့ရင်တော့ ကိုယ့်မကောင်းခဲ့တာတွေ ကိုယ့်ဆီဖြည်းဖြည်း ချင်းရောက်လာပါလိမ့်မယ်။

ကောင်းတာတွေလုပ်ရင် ကောင်းတာတွေဖြစ်လာမယ်။ 

ကံအကျိုးပေး မပေါ်သေးလို့ပဲ ဟန်ကျကျမနေနိုင်သေးတာပဲ ရှိပါမယ်။ 

ကိုယ့်ရဲ့ကောင်း ကျိုးတွေ ပြန်ပေါ်မယ့်အချိန်ကျ မလိုချင်လည်း ရောက်လာပါလိမ့်မယ်။ 

အဲ့ဒီ အခါက ကိုယ့်ကောင်းကျိုးလေးတွေ ပြန်ပေးလို့ ဟန်ကျပန်ကျ ဖြစ်လာမှာပါ။

ပြုသူအသစ်၊ ဖြစ်သူအဟောင်းပါ.....

တူသောအကျိုးဆိုတာ ပေးပါတယ်....

ရွှေဝတ်မှုန်(ရွှေအင်းလေး)
www.khunnaymedia.com

Read More

ဒီလိုသာနေတတ်သွားရင်....တကယ်အေးချမ်းရပြီ

အရင်ဆုံး တောင်းပန်တဲ့သူက စိတ်ဓာတ်ရဲရင့်ဆုံးသူပါ။
အရင်ဆုံး ခွင့်လွှတ်တဲ့သူက စိတ်ဓာတ်အခိုင်မာဆုံးသူပါ။
အရင်ဆုံး မေ့ပစ်တဲ့သူက စိတ်အချမ်းသာဆုံးသူပါ။

ကိုယ်က တစ်စုံတစ်ယောက်အပေါ် ကျူးလွန်ထားမိတဲ့ အမှားကို ဝန်ခံရဲတဲ့သူက တကယ့်ကိုသတ္တိရှိပြီး ရဲရင့်တဲ့သူတစ်ယောက်ပါပဲ။ တစ်ဖက်သားက ကိုယ့်အပေါ်ဘယ်လိုမျိုးဆိုးဆိုးရွားရွားတုန့်ပြန် လာလိမ့်မယ်ဆိုတာတောင် မကြောက်မလန့်ပဲ ကိုယ့်အပြစ်ကိုယ်သိ ပြီး ကိုယ့်တာဝန် ကိုယ်ယူရဲတယ်ဆိုတာ လူတိုင်းမလုပ်နိုင်တဲ့ အရာတစ်ခုပါပဲ။ ကိုယ်က တစ်ပါးသူအပေါ် ကျူးလွန်မိခဲ့တဲ့အပြစ်အတွက်ဝန်ခံတောင်းပန်ရဲတဲ့ သတ္တိက တကယ့်ကိုအင်အားကြီးမားလွန်းပါ တယ်။ ဒါ့ကြောင့် သူသာလျှင် စိတ်ဓာတ်ရဲရင့်ဆုံးသူဖြစ်ပါတယ်။

ကိုယ့်အပေါ် တစ်စုံတစ်ဦးက အပြစ်လုပ်ထားတဲ့တာကို ခွင့်လွှတ်ပေး နိုင်တဲ့သူကတော့ စိတ်ဓာတ်အခိုင်မာဆုံးသူပါပဲ။ ကိုယ့်အပေါ်အပြစ် လုပ်ထားတဲ့သူကလာပြီးတော့ တောင်းပန်သည်ဖြစ်စေ၊ မတောင်း ပန်ပဲဖြစ်စေ ထိုသူအပေါ် ခွင့်လွှတ်ပေးပြီး ပြန်မတုန့်ပြန်တော့တဲ့ သူရဲ့စိတ်ထားက တကယ်ကို အင်အားကြီးမားလွန်းပါတယ်။ ကိုယ် အပေါ် မကောင်းတာလုပ်တဲ့သူကို အပြစ်မမြင်တဲ့အပြင် ခွင့်လွှတ် နိုင်တယ်ဆိုတဲ့ စိတ်ထားက တကယ့်ကိုလူကြီးဆန်ပြီး စိတ်ဓာတ် မြင့်မြတ်ခိုင်မာလွန်းပါတယ်။

ကိုယ့်အသိဥာဏ်ထဲက ဖြစ်ပျက်ပြီးခဲ့တဲ့ မကောင်းတဲ့အရာအဖြစ် အပျက်တွေကို အရင်ဆုံးမေ့ပစ်ထားတဲ့သူကတော့ စိတ်အချမ်းသာ ဆုံးသူပါပဲ။ မကောင်းတဲ့ကိစ္စတွေကို ထပ်တလဲလဲတွေးပြီး စိတ်ဆင်းရဲ နေမယ့်အ စား မေ့ပစ်ပြီး အကောင်းဆုံးပြန်လည် လုပ်ဆောင်ဖို့ ကြိုးစားရမယ်ဆိုတဲ့ စိတ်ကိုမွေးမြူသင့်ပါတယ်။ ဒီလိုဆိုရင် စိတ်ချမ်းသာ အေးချမ်းသွားပါလိမ့်မယ်။ ဒါကြောင့်မို့လို့ မေ့သင့်တာကို မေ့ပစ်ပြီး စိတ်အချမ်းသာဆုံးလူသားဖြစ် လာအောင် နေထိုင်တတ်ရပါမယ်။

ရွှေဝတ်မှုန်(ရွှေအင်းလေး)
www.khunnaymedia.com

Read More

သင့်ဆီမှာရော်ရှိလား ?

#KN

Read More

သင် လှည့်စားခံလိုက်ရတယ်ဆိုရင်

ကိုယ်အမြတ်တနိုး တန်ဖိုးထား ချစ်ရတဲ့ သူတွေရဲ့ လှည့်စားမှုတွေ ၊
ခင်မင်ရင်းနှီးရတဲ့ အပေါင်းအသင်းတွေရဲ့ လှည့်စားမှုတွေ ၊ မိတ်ဆွေအချင်းချင်း နောက်ကျောကို ဓားနဲ့ထိုးတဲ့ သစ္စာဖောက်ခံရမှုတွေ ဘဝမှာ တစ်ကြိမ်တစ်ခါမက ခံခဲ့ကြရဖူးမှာပါ ။ ဒီလိုအခိုက်အတန့်ဖြစ်လာတဲ့အခါ တော်တော်များများ ဒေါသတကြီး တုံ့ပြန်ချင်ကြတယ် ။ နောက်ဆုံး သူ့အမှားကနေ ကိုယ့်အမှား ဖြစ်ရတဲ့ အခြေအနေထိ တုံ့ပြန်မှုတွေ မှားယွင်းတတ်ကြပါတယ် ။ ဒီလို သစ္စာမရှိ
လှည့်စားတတ်တဲ့လူတွေနဲ့ ကြုံတွေ့ရတဲ့အခါ အကောင်းဆုံးနည်းက 

ဥပက္ခာပြုလိုက် ခြင်းပါပဲ ။ ဒါဟာသူ့ကို အသံတိတ် တုံ့ပြန်လိုက်တဲ့ လက်စားချေနည်းပဲ ။

ခွန်နေ(ရွှေအင်းလေး)
#KN
www.khunnaymedia.com

Read More

လူမှန်ရင်… လူသားဆန်ရတယ်

လူအထင်ကြီးလောက်တဲ့ ပညာလေးတတ်ထားရုံ
လူအားကျလောက်တဲ့ ငွေကြေးချမ်းသာထားရုံ
လူရိုသေလေးစားလောက်တဲ့ ဘာသာတရားလိုက်စားရုံလောက်နဲ့ တော့
လူပီသပြီ လူသားဆန်ပြီလို့ ထင်မနေပါနဲ့။

လူမှန်ရင် တစ်ပါးသူတစ်ဖက်သားကို ကြင်နာသနားတတ်တဲ့စိတ်နဲ့ ကိုယ်ချင်းစာတရားထားတတ်တဲ့ စိတ်ရှိရမယ်။ ပညာတွေတတ်ထား ပြီး၊ ငွေကြေးတွေချမ်းသာပြီး၊ ဘုရားတရားအလုပ်လုပ်ပြီး ကိုယ့်ပတ် ဝန်းကျင်က လူတွေအပေါ် ကြင်နာသနားတတ်တဲ့စိတ် လုံးဝမရှိရင် ဒီလူ အလကားပဲ။

တစ်ဖက်သား ဒုက္ခရောက်နေချိန် ကိုယ်နဲ့နှိုင်းပြီး ကိုယ်ချင်းစာတရားမထားပဲ မတရားအနိုင်ကျင့်နေမယ်ဆိုရင် ဒီလူက လူမပီသနိုင်ပါဘူး။ 

ဘုရားတရား အလုပ်လုပ်ပြီး မိမိအဆင်ပြေဖို့ တစ်ဖက်သားဆီကဘယ်လိုအနိုင်ယူရမလဲ။ ဘယ်လိုမျိုး အဆင်မပြေအောင်လုပ်မလဲဆိုတဲ့ အတွင်းစိတ်ယုတ် မာတွေ၊ မကောင်းတဲ့စိတ်တွေ မွေးနေသမျှတော့ ဒီဘာသာတရားကိုင်းရှိုင်းပါတယ် ဆိုတဲ့လူသားလည်း လူမပီသတော့ပါဘူး။

ရွှေဝတ်မှုန်(ရွှေအင်းလေး)
www.khunnaymedia.com

Read More

ရင့်ကျက်လာတဲ့အခါ

တစ်နှစ်ထက် တစ်နှစ်ကိုယ့်အသက်ကလေး ကြီးလာတဲ့အခါ ကိုယ့်ရဲ့ရုပ် အပြောင်းအလဲထက် ကိုယ့်ရဲ့စိတ်နေစိတ်ထား အပြောင်းအလဲ တွေက ကိုယ့်ကိုကိုယ်ရင့် ကျက်လာပြီလို့ထင်ရတဲ့အထိ အပြောင်းအလဲတွေအများ ကြီးဖြစ်သွားတယ်။

အရင်ကလို ရုပ်ပိုင်းဆိုင်ရာချမ်းသာဖို့ထက် စိတ်ပိုင်းဆိုင်ရာချမ်းသာဖို့၊ စိတ်အေးချမ်းမှုကိုပဲ ပိုပြီးလိုလား လာတယ်။ ကိုယ့်စိတ်ကို အမြဲအေး ချမ်းအောင် ထားတတ်လာတယ်။ ကိုယ့်လိုအင်တွေထိန်းချုပ်ပြီး တစ်ဖက်သားဆန္ဒကိုဖြည့်ဆည်းပေးပြီး စိတ်ချမ်းသာအောင် နေတယ်။ သူများတွေကို ပျော်ရွှင်အောင်လုပ်ပေးလိုက်ရလို့ ရလာတဲ့ပီတက ဘာနဲ့မှ မလဲသာတော့ဘူး။

ပတ်ဝန်းကျင်က ကိုယ့်အပေါ်ချစ်ခင်တဲ့သူတွေကို အကောင်းဆုံး တန်ဖိုးထားတတ်လာတယ်။ ကိုယ့်အပေါ်မလိုတဲ့သူ၊ မုန်းနေတဲ့သူ တွေ ကိုလည်း ဒေါသနဲ့မတုန့်ပြန်တတ်တော့ဘူး။ အရင်လိုလည်း ပြန် မမုန်းတော့ဘူး။ တစ်ခုခုဆိုရင် စိတ်ချမ်းသာ ဖို့အရေးပဲ တွေးလိုက်တယ်။ စိတ်ချမ်းသာမယ်ဆိုရင် အရာအားလုံးလိုက်လျောပေးဖို့ အသင့်ပဲ ဖြစ်နေတတ် တယ်။

မနက်ဖြန်ဆိုတဲ့ နေ့ရက်တိုင်းမှာ ဘာဖြစ်လာမယ်မှန်းကြိုမသိနိုင်တဲ့ အနာဂတ်အတွက် ဝမ်းနည်းနောင်တရမှုတွေ မရချင်ဘူးလေ။ လက် ရှိပိုင်ဆိုင်ထားတဲ့အချိန်မှာ ကိုယ့်ပတ်ဝန်းကျင်ကလူတွေ၊ ကိုယ့်ကို ချစ်သူ ခင်သူတွေကို အတတ်နိုင်ဆုံးစိတ်ချမ်းသာအောင်၊ ကိုယ့်ကိုကိုယ်လည်း စိတ်ချမ်းသာအောင်ထားပြီးတော့ပဲ နေထိုင်တတ်လာတယ်။

ရွှေဝတ်မှုန်(ရွှေအင်းလေး)
www.khunnaymedia.com

Read More

ကိုယ့်ဆီ ခံစားချက်လေးတွေတော့ရှိကြမှာပါပဲ

ယောင်္ကျားတွေ မကောင်းဘူး
မိန်းမတွေ မကောင်းဘူးလို့
ပြောကြတဲ့ လူတွေတော်တော်များများက
သူတို့ဘဝမှာ လက်တွဲဖော်ကို
ရွေးချယ်မှု အမှားကြီးမှားခဲ့ဖူးကြတဲ့သူတွေ
ဖြစ်တယ် ။ အဓိကအချက်ကတော့
ကိုယ်ရဲ့ ကံအကြောင်းမလှခဲ့လို့ လူကဲခတ်ညံ့
ခဲ့တာရယ် ၊ ဘယ်သူ့ကိုပဲဖြစ်ဖြစ် အယုံလွယ်ခဲ့တာရယ် ၊
ဆန္ဒကို သိက္ခာနဲ့ မထိန်းနိုင်ခဲ့တာရယ်တွေကြောင့်
ချစ်ကံဆိုးခဲ့ကြသူတွေဖြစ်တယ် ။ ဒါတွေကို
ဂရုစိုက်နိုင်သွားရင် မကောင်းမြင်တတ်တဲ့
အမြင်တွေ ကျဉ်းသွားပါလိမ့်မယ် ။
ကောင်းတာမကောင်းတာကို
ယောင်္ကျားတိုင်း ၊ မိန်းမတိုင်းဆိုပြီး
ရောချလို့မရပါဘူး ။ ကောင်းတာရော
မကောင်းတာရော သူ့ဟာနဲ့သူရှိနေပါတယ် ။
တကယ်တမ်း မကောင်းဘူးလို့ ဆိုနေကြ ပေမယ့်
အတိတ်မှာ အရမ်းချစ်ခဲ့ရတဲ့ လူတစ်ယောက်တော့
ရှိခဲ့ဖူးမှာပဲ ။

ခွန်နေ(ရွှေအင်းလေး)
#KN
www.khunnaymedia.com

Read More

ဘဝဆိုတဲ့ အချိန်တွေ

ကလေးဘဝအရွယ် ကျောင်းတက်ရမှာ သေမလောက်
ပျင်းခဲ့ကြဖူးတယ် ။ နွေကျောင်းပိတ်ရက်ကို မြန်မြန်ရောက်ချင်လို့
စောင့်ခဲ့ရတဲ့ အချိန်တွေကြာတယ်လို့ခံစားခဲ့ကြဖူးတယ် ။
လမ်းသလားနေတဲ့ ဆယ်ကျော်သက်အရွယ်တွေကိုမြင်တိုင်း
သူတို့အရွယ်အမြန်ရောက်ချင်လို့ အချိန်တွေအမြန်ကုန်စေချင်ခဲ့ကြတယ် ။
လူပြည့်နေတဲ့ ဂိမ်းဆိုင်မှာ ကိုယ့်အလှည့်ရောက်ဖို့
စောင့်ခဲ့ရတဲ့အချိန်တွေ ကြာခဲ့ကြတယ် ။
ခုတော့ အားလုံးဆန့်ကျင်ဘက်တွေဖြစ်လို့ မစောင့်ပဲ ရောက်ခဲ့တဲ့
ရက်တွေနဲ့ မလိုချင်ပဲရခဲ့တဲ့အရာတွေ ။
ကိုယ့်ဘဝရပ်တည်မှု ပိုပြီး ခိုင်ခံ့လာအောင်
ကြိုစားတည်ဆောက်ရင်း အသက်တွေ တဖြေးဖြေးကြီးလာတယ် ။
ပတ်ဝန်းကျင်သစ်မှာ အားလုံးတစ်ကွဲတစ်ပြားစီဖြစ်လို့ ခင်မင်ရတဲ့ 

သူငယ်ချင်းတွေ အတွက်ရော မိသားစုတွေအတွက်ပါ တစ်ယောက်နဲ့တစ်ယောက် အချိန်တွေပေးဖို့တွန့်တိုလာကြတယ် ။
ငယ်ငယ်က တစ်ခုခုဆို ကြာခဲ့တဲ့အချိန်တွေ ခုတော့ ရက် ၊ လ ၊ နှစ်တွေ
တော်တော်မြန်လာမှန်းသိလာတယ် ။
လူကြီးတွေပြောတဲ့ " အချိန်သည် လူကိုမစောင့် "
ဆိုတဲ့စကား သိပ်မှန်တယ် ။
ခုချိန်သင်လည်း ဒီလိုခံစားနေရပြီဆိုရင် သေချာတယ်
ခင်ဗျားလည်း အသက်တွေမငယ်တော့ဘူး ။

ခွန်နေ(ရွှေအင်းလေး)
#KN
www.khunnaymedia.om

Read More

သူများမကောင်းပြောခြင်းဟာ အချိန်ဖြုန်းနေခြင်းပဲ

လူတချို့ ကိုယ်တိုင်မစွမ်းဆောင်နိုင်တဲ့အခါ
ကိုယ့်ထက်သာတဲ့လူကို ကြည့်မရတာမျိုးရှိတတ်တယ် ။
ဘယ်သူ ဘာလုပ်လုပ် ဘေးထိုင်ဘုပြောပြီး
ကိုယ်ကိုတိုင် နောက်မှာ ကျန်နေခဲ့တယ်ဆိုတာ
ကိုယ်တိုင် မေ့နေတတ်ကြတယ် ။
တကယ်တမ်း မကောင်းပြောခံရတဲ့လူ
ဝေဖန်ခံရတဲ့လူက တစ်နေ့ပြီးတစ်နေ့
ကိုယ်ထက် ခြေလှမ်းပေါင်းများစွာ ကျော်တက်သွားတယ် ။
ဝေဖန်ခံရတဲ့လူက မကောင်းတာရော ၊ ကောင်းတာရော
အပြောခံရတဲ့အတွက်
အမှားထဲက အမှန်ကိုရှာပြီး ဝေဖန်နေသူတွေထက်
ပိုပိုပြီး ခြေလှမ်းသာ သွားရခြင်း ဖြစ်တယ် ။
ဒါကြောင့် သင်မကောင်းပြောတဲ့လူက
သင့်ကို ဘယ်တော့မှ စိတ်ဆိုးမှာမဟုတ်သလို
သင်လုပ်ရပ်တိုင်းကိုကြည့်ပြီး ဝေဖန်နေမှာမဟုတ်ပါဘူး ။
ဘာလို့လည်းဆိုတော့ သူရှေ့ဆက်သွားဖို့အတွက်
သူ့အချိန်တွေ အကုန်မခံနိုင်လို့ပဲဖြစ်တယ် ။

ခွန်နေ(ရွှေအင်းလေး)
#KN
www.khunnaymedia.com

Read More

ယောင်္ကျားကောင်းဆိုတာ

" ယောင်္ကျားရေ ကျွန်မမှာ ကိုယ်ဝန်ရှိနေပြီ"
ယောင်္ကျားဖြစ်သူက ပြုံးပြီး သူမကို ကြင်နာယုယစွာ နမ်းတယ် ။
" မိန်းမ မင်းပြောတာမှားတယ် "
" မင်းနဲ့ငါနဲ့ တစ်ယောက်ကိုတစ်ယောက်ချစ်ကြတယ်...
အတူတူပေါင်းသင်းနေထိုင်တယ်... ကိုယ်ဝန်ရတယ်..
ဒီတော့ ခုရနေတဲ့ ကိုယ်ဝန်က မင်းတစ်ဝက် ၊
ငါတစ်ဝက်ပိုင်တယ်...အဲ့တော့ ကျွန်မမှာကိုယ်ဝန်ရှိတယ်ဆိုတဲ့
အသုံးအနှုန်းက ငါတာဝန်မဲ့သလိုခံစားရတယ်....
မင်းနဲ့ငါ နှစ်ဦးပေါင်းဖက်လို့ရလာတဲ့ကိုယ်ဝန်ဖြစ်တဲ့အတွက်
မင်းပြောရမှာက ယောင်္ကျား ရှင်နဲ့ကျွန်မတို့မှာ ကိုယ်ဝန်ရှိနေပြီ လို့ပြော..
ငါ့ရင်သွေးလေးအတွက် ငါဟာအဖေကောင်းတစ်ယောက်
ဖြစ်ချင်တယ်.... :) "

အိမ်ထောင်ကျပြီးဖြစ်တဲ့ အမျိုးသမီးတွေဟာ သူတို့ရဲ့ဘဝတစ်ခုလုံးကို
ချစ်ရတဲ့ အမျိုးသားတွေဆီမှာ အားလုံးပုံအပ်ထားရပါတယ် ။ သူတို့တွေရဲ့
ရင်ထဲကခံစားချက်တွေကို အမူအရာအားဖြင့်သေချာ ထုတ်ပြလေ့မရှိပေမယ့်
အချို့သော အပြောအဆိုလေးတွေက စိုးရိမ်မှုနဲ့ 

ဝမ်းနည်းမှုတွေ ထင်ဟပ်တာမျိုး ရှိတတ်ကြတယ် ။ 

ဒါကြောင့် ကိုယ်ချစ်လို့ တာဝန်ယူရထားရတဲ့ အမျိုးသမီးအပေါ် တာဝန်ကျေယုံ မဟုတ်ပဲ စကားလုံးတိုင်းမှာလည်း ကြင်နာယုယမှု နွေးထွေးမှု ၊ လုံခြုံမှု ၊
တာဝန်ယူရဲမှု အပြည့်အဝ ပေးနိုင်တဲ့ ယောင်္ကျားကောင်းတစ်ယောက်
ဖြစ်ဖို့ အကြံပြုဝေမျှလိုက်ရပါတယ် ။

ခွန်နေ(ရွှေအင်းလေး)
#KN

Read More

ဘုံပိုင်ခေါင်းတစ်ခုမှာ ၁ မိနစ်ကို ရေ ၁ စက်နှုန်းကျမယ်ဆိုရင်

အိမ် တစ်အိမ်ရဲ့ ဘုံပိုင်ခေါင်းတစ်ခုမှာ ၁ မိနစ်ကို ရေ ၁ စက်နှုန်းကျမယ်ဆိုရင်

တစ်ရက်ကို စုစုပေါင်းအစက်ရေ ၁၄၄၀ နဲ့ညီမျှပါတယ် ။ ဒါဟာ တစ်နှစ်ကို

ရေဂါလန်ပေါင်း ၃၄ ဂါလန်ကိုဖြုန်းတီးနေမှုနဲ့အတူတူပါပဲ ။

အကယ်လို့ ကမ္ဘာပေါ်ရှိတဲ့ အိမ်တွေရဲ့ ဘုံပိုင်ခေါင်း  ၁ သန်းမှာ ၁ မိနစ်ကို ၁ စက်နှုန်း

နဲ့ကျနေမယ်ဆိုရင် - 

၁ ရက် အစက်ရေ - သန်း ၁၄၄၀ စက်

၁ ရက်ကို လီတာ - ၃၆၀၀၀ လီတာ

၁ ရက်ကို ဂါလန် - ၉၅၁၁၂ ဂါလန်

၁ နှစ်ကို ဂါလန် - ၃၄.၇ သန်း ရေဖြုန်းတီမှုနဲ့ ညီမျှနေပါတယ် ။

ဒါကြောင့် သင့်အိမ်မှာရှိတဲ့ ဘုံပိုင်ခေါင်းတွေကို ရေစက်မကျဖို့ သေချာစီစစ်ပြီး

စိတ်ချရတဲ့ အရည်အသွေးမြင့် ဘုံပိုင်ခေါင်းတွေကို တပ်ဆင်ဖို့ Bravat မှအကြုံပြု

လိုက်ရပါတယ် ။ 

#Brand #Bravat #Fauet #quality #design 

Read More