10:19 PM
စကား… ချစ်အောင်ပြောလည်း ဒီစကားပဲ မုန်းအောင်ပြောလည်း ဒီစကားပါပဲ။
စကားပြောရမှာခြင်းအတူတူ တစ်ဖက်သားနားထဲ ပူလောင်စူးရှသွား မယ့် စကားလုံးကြမ်းတွေပြောဆိုမယ့်အစား သာယာပြီးနားဝင်သွားမယ့်စကား လုံးတွေကိုပဲ ရွေးပြောကြရင် မကောင်းပေဘူးလား။
တချို့စကားလုံးတွေက တစ်ဖက်ကိုမခံစားနိုင်လောက်အောင်နာကျင် သွားစေမယ့်စကားမျိုး၊ ဒေါသတကြီးခွန်းတုန့်ပြန်လောက် အောင်ဖြစ်စေမယ့်စကားမျိုး အထိမပြောသင့်ပါဘူး။ သူလည်းအကျိုးမရှိ၊ ကိုယ်လည်း အကျိုးမရှိတဲ့ စကားယုတ်၊ စကားပုတ်တွေနဲ့ ဘာလို့ ပြောဆိုနေကြမှာလဲ။
ဒေါသထွက်စရာ စကားတွေကတဆင့် အချင်းချင်း ဒေါသတကြီး တုန့်ပြန် မှုတွေ ဖြစ်ပေါ်လာတဲ့အခါ မလိုလားအပ်တဲ့ အကျိုးပျက်စီးမှုတွေဖြစ်သွားရင်မကောင်းတော့ပါဘူး။ နောက်ပြီး ကိုယ့်နှုတ်က ထွက်ကျလာမယ့် စကား ခွန်းတုန့်တွေကို ကြည့်လိုက်တာနဲ့တင် ကိုယ့်ရဲ့အနေအထား၊ဘယ်လိုပုံစံရှိ လဲဆိုတာ သိနိုင်ပါတယ်။
ဒီတော့ ကိုယ့်နှုတ်က ပြောစရာ စကားခွန်းတုန့်ထွက်လာတော့မယ် ဆိုရင် အရင်ဆုံး ဘယ်လိုစကားအသုံးအနှုန်းမျိုး ပြောဆိုမလဲဆိုတာ စဉ်းစားသင့် ပါတယ်။ ကိုယ့်စကားကို တစ်ဖက်သားနားလည်လာ အောင်၊ လက်ခံ လာအောင် ပြောဆိုတတ်ဖို့လိုပါတယ်။
ရွှေဝတ်မှုန်(ရွှေအင်းလေး)
www.khunanymedia.com
0 comments:
Post a Comment
လူငယ်စာပေ ၊ သုတ ၊ ရသ ၊ နည်းပညာ ၊ ဟာသ ၊ ထူးဆန်းထွေလာ သတင်းမျာကို
စုံလင်အောင် ကြိုးစားတင်ဆက်ပေးသွားပါမယ် ။