ရှိတော့ရှိတယ် ဒါပေမယ့်ရှားသွားပြီ

ခွန်နေ - Khun Nay

ကျွန်တော်တို့ ငယ်စဉ် State ကျောင်းသားဘဝတုန်းက ဆရာ၊ ဆရာမတွေဆို အင်မတန် ကြောက်ရွှံ့ ရိုသေခဲ့ရတယ် ။ အတန်းထဲမှာ ဆရာ/မ မရှိလို့ ဝုန်းဒိုင်းကျဲဆူညံနေပေမယ့် အတန်းဝက ခြေသံလေးတစ်ချက်ကြားရင် ဆရာလာပြီအထင်နဲ့ အားလုံး ငြိမ်သက် သွားကြတယ်။ ကျောက်ပိတ်ရက် ၊ အားလပ်ရက်တွေ လမ်းမှာ ဆရာ/မ တစ်ယောက်ယောက်နဲ့တွေ့ရင်တောင် အလိုလိုနေရင်း စိတ်ထဲမှာ ငါအပြင် လျှောက်သွားနေလို့ ခေါ်ဆူတော့မှာလား ထိန့်လန့် ခဲ့ရတယ် ။

ကျောင်းဆင်းချိန်ရောက်လို့ သတ်မှတ်ထားတဲ့ အချိန်အတွင်း အိမ်အရောက်
မပြန်နိုင်ရင် နောက်နေ့အရိုက်ခံရမယ် ပြောလိုက်ယုံနဲ့တင် ဟုတ်သည်ရှိ ၊ မဟုတ်သည်ရှိ ဆရာ ၊ ဆရာမတွေ ပြောတဲ့အချိန် အိမ်ကို အရောက်ပြန်ကြရ
တယ် ။ သူတို့ကိုယ်တိုင်လည်း လိုက်ကြည့်နေတာမဟုတ်ပေမယ့် ဆရာ ၊ ဆရာမတွေရဲ့  ပညာအရှိန်အဝါ ၊ သြဇာအရှိန်ဝါတွေဟာ ကျောင်းသား ၊ ကျောင်းသူတွေ ကိုလွှမ်းမိုးထားတယ် ။ ကျောင်းသားတွေ ဆေးလိပ်သောက်လို့ လမ်းပေါ်မှာ တွေ့နေမြင်နေရင်လည်း ချက်ချင်းဆိုသလို ခေါ်သတိပေး တတ်ကြတယ် ။ ကျောင်းသား၊သူ တွေရဲ့  အကျင့်စာရိတ္တပိုင်း ၊ စည်းကမ်းပိုင်း ကအစ ကျောင်းချိန်မှာအပြင် ၊ကျောင်းချိန်ပြင်ပတွေအထိပါ သူတို့ရဲ့  မေတ္တာတရားတွေနဲ့ အလေးပေး ဆက်ဆံ ဆုံးမခဲ့ကြတယ် ။

ဒါပေမယ့် ဒီနေ့ဖတ်လိုက်ရတဲ့ သတင်းတစ်ပုဒ်က အထက်ပါပြောခဲ့တဲ့ ဆရာ ၊ ဆရာမ မျိုးတွေဘယ်များရောက်ကုန်ပြီလဲ မေးခွန်းထုတ်စရာ
ဖြစ်လာရပါတယ် ။ လှိုင်သာယာ အထက်တန်းကျောင်း တစ်ကျောင်းမှာ ရှစ်တန်းကျောင်းသူအရွယ်ကလေးမကို ၊ အတန်းသူ ကျောင်းသားက
ဓားနဲ့ ထိုးတဲ့ အမှုတစ်ခုပါ ။ ကံကောင်းထောက်မစွာ အသက် ၁၃ နှစ်အရွယ်သာရှိသေးတဲ့ ကလေးမ အသက်ဘေးကနေ အချိန်မီ ကယ်တင်နိုင်
ခဲ့တယ် ။ ဓားနဲ့ထိုးတဲ့ ကောင်လေးကို လည်း နှစ်ဘက်လူကြီးတွေ တွေ့ပြီးကျေအေးပေးလိုက်တယ်လုို့ သိရတယ် ။ ထားပါ ဒါက သူတို့ရဲ့  ကိစ္စပါ ။

ဓားနဲ့ထိုးရတဲ့အကြောင်းရင်းကတော့ ကောင်လေး ရည်းစားစကားပြောတာကို ကောင်မလေးက ပါးရိုက်တယ် ၊ ခံရတဲ့ကောင်လေးက မကျေနပ်
လို့ ကျောင်းဖွင့်ရက် တနင်္လာနေ့မှာ အသင့်ယူလာတဲ့ ဓားနဲ့ အခန်းဝမှာစောင့်ပြီး ကောင်မလေး အလာ လေး၊ ငါးချက်လောက် ဓားထိုးတယ်လို့ ဆိုတယ် ။
ထိုးပြီးတော့ ကောင်လေးကလည်း ထွက်မပြေးဘူး အတန်းထဲမှာပုံစံမပျက် အေးဆေးစွာ ပြန်ထိုင်တယ် ။ အနာဂတ်လူငယ်လေးတွေအတွက် အင်မတန်
ထိန့်လန့်စရာ ၊ အတုယူမှားစရာတွေ ဖြစ်လာနိုင်တယ် ။ ဆရာ ၊ ဆရာမတွေရဲ့  ကျောင်းသား ၊ ကျောင်းသူတွေအပေါ် သင်ယူဆုံးမမှုတွေ ၊ တာဝန်ယူမှုတွေ
ဘယ်လောက်ထိတောင် အားနည်းလည်း ဆိုတာ ဝေဖန်စရာဖြစ်လာတယ် ။

တစ်ဆယ်ကျော် ၁၃ နှစ်အရွယ်ကျောင်းသားတစ်ယောက်ရဲ့ လုပ်ရပ် ၊ အကျင့်စာရိတ္တ သွန်သင်ဆုံးမမှုအပြင် ၊ လမ်းပေါ်မှာ မြင်တွေနေရတဲ့ အထက်တန်းကျောင်းသားတွေ ၊ လက်ဖက်ရည်ဆိုင်မှာ အဖြူအစိမ်းနဲ့ အချိန်ဖြန်းနေတဲ့ ကျောင်းသား ၊ ကျောင်းသူ တွေကို ဆရာ/မ တစ်ယောက်အနေနဲ့ သွန်သင်ဆုံးမမှု ၊ တာဝန်ယူမှု တွေဟာ ခုခေတ်မှာ မရှိသ လောက်ရှားသွားပါပြီ ။
လမ်းမှာကျောင်းသားတွေ ဆေးလိပ်သောက်တာမြင်လဲ ဆရာ/မ တွေ ကိုယ်နဲ့မဆိုင် မမြင်ချင်ယောင်ဆောင်တဲ့ခေတ် ၊ အချိန်တန် တစ်တန်းပြီးသွားမှာပဲ တာဝန်ယူစိတ်ကင်းမဲ့တဲ့ခေတ် ၊ ကလေးတွေအပေါ် မေတ္တာပေး ဆက်ဆံမှု မရှိသလာက်ရှားတဲ့ခေတ် ဖြစ်နေပါပြီ ။ မေးခွန်းပေါင်းများစွာ အတွေးစတွေရှိနေပေမယ့် ကျွန်တော်တို့ ခေတ်တုန်းကလို စေတနာနဲ့ရင်းပြီး မေတ္တာထား သွန်သင်ဆုံးမကြတဲ့ ဆရာ ၊ ဆရာမ တွေ ရှိတော့ရှိတယ် ဒါပေမယ့်ရှားသွားပြီ လို့ စိတ်မကောင်းခြင်းများစွာနဲ့ ရေးသား လိုက်ရပါတယ် ။

ခွန်နေ - Khun Nay 
https://www.khunnaymedia.com/
Free Download Mobile Application -
Mediafire Link - http://goo.gl/oIpMYP
Dropbox Link - http://goo.gl/5eogm3